خطابك كتير وقالولى تستاهلى الدهب واللولى

خطابك كتير وقالولى تستاهلى الدهب واللولى.................
وما بين الحبايب واحد ،، بابا هيشاور عليه ويقولى



ههههههههههههه
ها يا بنات مش كل واحده بتغنى الاغنيه دى وبابا بيكمل واهو من يوم مغنناها كل
بابا اتمسك بيها وحلف ميت يمين متخرج بنته الا بتقلها دهب وعشان كده بنته مش هتخرج بتاتا ،،،
المهـــــــــــــــم
كل أب وأم بيحلموا ان بنتهم تتجوز جوازه مش يحلموا بيها اللى معاه المال والمنصب والجاه بغض النظر عن سنه و مستواه الاجتماعى و مستواه التعليمى ممكن تكون على درجه ماجستير وهو دبلوم وبالتالى من هنا تظهر الفجوات والبنت لا حول ليها ولا قوه وبتستسلم للمغريات دى
لو جينا نستعرض كده الحوار اللى بيدور للمره الاولى بين الاب وأى عريس متقدم لبنته نلاقيه كله ينصب على الشبكه والمهر والشقه والعفش والعرير والعروره والمعارير والداتوه وهكذا ،، طب فين دينه؟؟ وفين أخلاقه؟؟ وفين الاصول اللى اتربى عليها اللى هتأهله لتأسيس أسره دينيه مترابطه؟؟ فين مبادئه اللى هيمشى عليها؟؟؟
يرد أغلب الاهالى يقولوا لا ده بعدين أو بيعتبروه انه كويس فى الناحيه دى بمجرد توافر المال والله عليك يا سيدى لو كنت من أرباب الغربه يا عينى ده عز الطلب والمنى هتكبش الفلوس وتأسس ،، طب يا بابا انت تعرف بيشتغل ايه هناك
؟ أو أخلاقه ايه هناك؟ يرد بابا انتى تعرفى ايه انتى عن الدنيا عشان تقولى كده د من أكبر مصدرى البمب فى البلد
تعالو نشوف حوار تليفونى بين العريس الهاى والاب
العريس
: ازيك يا أنكل
الاب
: ازيك يا حبيبى
العريس
: انا مهند عندى 37سنه بشتغل فى السعوديه فى الاستكراد قصدى الاستيراد والتصدير
ممكن يا عمى أطلب ايد بنت حضرتك والشبكه اللى تطلبها وكل شروطك مجابه
الاب
:"بنتى عندها 17سنه وهو 37 سنه يادوب على ادها" وماله يا حبيبى احنا هنلاقى احلى ولا أطيب ولا أغنى قصدى أغلى منك فين .. شبكه ايه اللى بتتكلم فيها احنا بنشترى راجل اللى يناسبك هاته
أنا موافق يله نقرا الفاتحه ،،،
العريس
: طب اصبر بس يا انكل اجيب العيله واجى
الاب
: لا يا بنى متتعبهمش داحنا اللى نجيلهم خير البر عاجله
بسم الله الرحمن الرحيم
الحمد لله رب العالمين ......... ولا الضالين أمين
مبـــــــــــــ لولولولوللـــــــــــى ــــــــــــــــــــروك

والشبكه هديه فوق البنت كمان
اتفضلوا


شوفوا بقه لو صاحبنا ده لسه متخرج وهيجهز على قده ولسه هيكافح " محدش قاله يغلط غلطه عمره وتسول له نفسه يتجوز اصلا مش لما يكمل 60 سنه على الاقل يكون فى ريعان شبابه "
العريس
: السلام عليكم ورحمه الله وبركاته
الاب
: وعليكم السلام ورحمه الله وبركاته
العريس
: تسمحلى يا عمى أطلب ايد بنت حضرتك
"" أأأأأأأأأأأأأخ يومه بقه فلللللل
الاب
: مكنش يتعز لسه مامتها واخداها وخارجه دلوقتى يا حبيبى
العريس
: يا عمى انا شارى بنتك
الاب
: انت مين ؟؟ وبتقبض كام ؟؟ وعيلتك مين ؟؟ وشفتها فين ؟؟ انطق.. اتكلم!!!!!!!!!!!!!
معاك شبكه بــ 20الف جنيه
؟؟ معاك شقه تمليك؟؟ وتجهز أربع اوض ومطبخ ورشبشن ؟؟
لو كان كده سبنى افكر فى موضوعك
..... !!!!!

ها يا شباب مش ده بيحصل على مسمع وبصيره كل منا ,, انا عن نفسى اعتقد ان جزأ من رأى الاهالى صح لكن ليه المغالاه دى ليه مش بننتهج نهج رسولنا الكريم صلى الله عليه وسلم من جاءكم ترضون دينه وخلقه فزوجوه...
يهتم الاب بكل حاجه الا الخلق اللى هيعامل بيها بنته ويسعدها او يتعسها ممكن يوفرليها كل حاجه ترفيهيه بس سعاده مش تلاقى ممكن لفارق اجتماعى او علمى أو ميول مختلفه للطرفين وبسبب عدم التفاهم مش فى قرب بين الطرفين لعدم الرغبه فى التواصل اساسا ونوصل فى النهايه للتفكك وهروب بعض الازواج خارج المنزل للبحث عن السعاده والبعض الاخر يلجأ للنت والشات للبحث نحو السعاده التائهه بين طيات المغالاه المفروضه من الاهالى ومن الضغوط النفسيه والمعاناه التى يعانيها كل فرد نتيجه البحث عن قوت يومه


منقول

ايه رايكم فى الكلام ده
؟؟؟؟؟؟؟؟؟؟؟؟

ههههههههههههههههههههههههه
انا معاكي طبعا ياروف بس مفيش بنت بتتجوز غصب عنها كل البنات عايزه الشبكه العاليه والعربيه و وميهمهاش تعيش عيشه نكده بس الاهالي عندهم حق الي بيجي رخيص بيروح رخيص لازم يتمسكوا بحق البنت والي لسه متخرج احسن يخليه ده يستني زي ما غيره استني لسه 60 سنه يدوب تخطب بس في حدود المعقوووووووووووووووووووول حرام كده الشباب غلابه

يا بنتى الاهالى اللى بيفكروا كدة غلط جدا لان اهم حاجة فى الجوازهو الشخص واخلاقة واصله وبعدين هو اللى هيتعاشر مش الشبكة ولا العربية والشقة ، البنت لما ربنا يرزقها بشخص كويس بتهيقلى يبقى هى دى قمة السعادة اللى فى الدنيا ، يااااارب اوعدنا يارب ،،،، وشكرا لاهتمامك