ليه انا.........سؤال عايز اجابه.....جاوب

هو انا ليه بيحصل معايا كده

ليه كل حاجه نفسى فيها مبتحصلش

مع انه اللى انا طلبته بسيط جدا وكان بجد هيسعدنى اوى

انا عارف اصله محدش هيعرف مصلحتى اكتر منى !!!

انا خلاص عرفت انا حظى نحس وعمره ما هيتغير

مش معنى ( .صحبى.... ) عنده كل حاجه نفسه فيها وانا لاء

انا بجد قرفت من حياتى ومن حظى ومن دنيتى
ربي اتنا في الدنيا حسنه وفي الاخره حسنه
ربي انت اعلم اين الخير فاجعله لي واين الشر فابعده عني
اميييييييييين



منقول
امته اموت بقا واخلص لانى اتخنقت

ليه يارب بيحصل معايا كده

مش معنى انا

انت ليه بتكرهنى يارب ليه ؟؟؟
.......................................

ياااااااااااااااااااااااااه كل ده جواك

انت زعلان اوى كده ليه



هو ربنا ظلمك فى حاجة

هو انت روحتله ورفعت ايدك وقولتله بقلبك قبل لسانك ( محتاجلك )

عمرك فى يوم شكرته على نعمه عليك

(لو لسه زعلان هقولك مثال صغير )

لو انت ساكن فى بيت مش بتاعك وصاحب البيت

مش بياخد منك فلوس وفوق كل ده بيحميك وبيساعدك وبيخترلك الاحسن

ولما بيشوفك نفسك فى حاجة بيعملهالك بس لو فيها خير ليك ولو هتاذيك بيبعدك عنها

وبالرغم من كل ده عمرك ما شكرته

و لما حضرتك تطلب طلب وميحصلتش تقلب الدنيا

اعذرنى مش من حقك !!!!!

بذمتك مش هتتكسف من نفسك

عمال تاخد تاخد وعمرك ما قدمت


ولله المثل الاعلى

بس ربك رحيم وعادل ومش ظالم بيخترلك الاحسن والافضل

مفيش حد نام زعلان عشان ربنا عايز يزعله

ربنا رحيم وبيخترلنا الافضل

اقف مع نفسك ثوانى ورجعها

وشوف ربنا عطاك ايه

وانت قدمتله ايه

من صلاة وصيام وذكر وصدقة وحاجات تانيه كتير

الحمد لله يا من خلقتنى ورحمتنى وحفظتنى واطعمتنى وجزيتنى كل خير

اسفه علي الخطا اللي حصل اثناء الكتابه اكيد انتو عرفين قصدي ايه وربنا يهدينا جميعا