يعني ايه كلمه بحبك
يعني حروف اسمي واسمه متجمعين
محتاجين لحنان قلوبنا
يعني قلبي ويا قلبه مشتاقين
يعني انا مخلوقه ليه يعني انا عايشه لعنيه
يعني لسه في حياه رغم كل ويل و اه
لما تحس قلب ضمك جوة حضن
لما تحب حتي دنيا كل ما فيها حزن
لما تنسي هم عمرك وانت بس في قلب قلبك
اما تملك دنيا اجمل ما شفها حد
دنيا تشوفها في عينيه بين كلامه في لمسه ايديه
ياااااااه دي دنيا دنيا هاديه دنيا كل ما فيها حب
حب يخطف حب يسرق حب يملك كل قلب
مش مهم اذاي وليه المهم انا بين ايديه
عايشه معاه عشقه لهواه
ونظرة هاديه رقيقه من عينيه
انا لسه عايشه بذكري صافيه
يوم متقبلنا انا وهو صدفه
واتمني اموت وانا بين ايديه
نظرة في عينه فيها اماني فيها مكاني فيها زماني
كل دة ولسه بيسال يعني ايه كلمه بحبك
كلمه بحبك هي ايه هي الندي ليا وليه تجمع قلوبنا انا عمري ليه
ايوة بحبك يا قلب عمري هفضل بحبك لاخرعمري
عارف يعنى ايه بحبك؟
عارف يعنى أيه بحبك؟
يعنى قلبى فحضن قلبك
يعنى روحى رايحة ليك
ونفسى دايما أبقى جنبك
تعرف بحبك يعنى أيه؟
حبيبى لو قالها بعينيه
أو حسيتها فلمس أيديه
أو دوبنى فشوق لياليه
ان غاب عنى هنادى عليه
أقوله تعالى وقرب منى
أنا حسيت الجنة فقربك
كلمة بحبك معناها أنت عارفه؟
ان حبيبك مهما يغيب فى زحام الدنيا بقلبك شايفه
ان الثانية تمر سنين وأنت بعيد عن حضن شفايفه
هقولك أيه ولا أعيد أيه أكيد معناها بقلبك حسه
طب لو قلنا انت حبيبى؟
يعنى غرامك هو نصيبى
يعنى بلاقى فى حضن هواك
جنة حبى ونار تعذيبى
يعنى أتمنى الدنيا بحالها تبعد عنى ولا ابعد عنك
وكمان معنى أنى حبيبتك؟
يعنى فحلمك أبقى أميرتك
وبأشواقى لوحدى أسيرتك
ان غبت أيام أو حتى سنين
أفضل على عهدى وأحفظ غيبتك
وان حس القلب بشوق وحنين
أنام وعيونى بتحضن صورتك
طب يعنى ايه بنحب بعض؟
يعنى أحنا فى بينا وعد
لانخون بعض ولانبيع بعض
ومهما الدنيا تفرق بينا هنحافظ دايما عالعهد
وايه معناها أحنا حبايب؟
يعنى فليل الشوق والعشق
قلبى وقلبك بيكون دايب
يعنى فى وسط الناس والدنيا بحبى وحبك راح نتعاجب
يعنى فبعدى بتبقى حزين
وأنا فبعادك أحساسى غايب
عرفت خلاص ولا أقول تانى؟
أنى عشانك وانت عشانى
وان الحب اللى شاغل قلبك
حب لقلبى وشوق لحنانى
وان اللهفة بتملا عيونى
لما تغيب لو حتى ثوانى
فهمت خلاص ولا أوضحلك؟
يا حبيبى انا قلبى مصرحلك
أنك تملك كل ما فيا
من أول دقة فقلبى000ولآخر لمسة فى أيديا
منقول بس والله كلام حلو قوي
الإثنين 19 أبريل 2010 - 21:30
