التحرش زاد فى بلدناااااااااا

قالوا التحرش زاد في بلَدنا
إيه اللي حصل ليكم يا ولادنا ؟؟
عيب ما هي برضه دي أمك و اختك
خاف أحسن يترد في بنتك
رد علينا شباب واقفين
قالوا خلونا يا ناس ساكتين
احنا شباب مظلوم
و بقى لنا كام سنة يشتموا فينا
و حالنا مش بنبص و مش بنبحلق
و لا بنعاكس و لا نتزنق
لكن حوشوا بناتكوا شوية
لأ كدة over خفوا عليا
شوفوا باديهاتهم
شوفوا بناطيلهم
شوفوا جيباتهم
أو مشيتهم
و الاسم محجبة و خلاص
علشان حاطة قماش عالراس
و اللي يغيظك ناس على طول
ليل و نهار عمالة تقول
حرة يا سيدي تلبس تقلع
و اللي ما هواش عاجبه يولع
و احنا شباب مكبوت متكدر
عزاب من عشرين سنة و اكتر
طيب قول لي هنعمل إيه ؟
أصل أبويا ما هواش بيه
و لا كان جايب لنا في الجامعة
حتة افيو و موبايل الدمعة
و لا أول ما هقول يا تَخرج
هيشغلني مدير و اتفرج
أنا لا بدافع و لا أنا ببرر
بس الذنب عليهم أكبر
و الستات مش راحمين حالهم
و اللي بتلبس منهم عالى
تمشي تبص يمين و شمال
و اللي بتلبس حلو طويل
ماشية يمين و شمال بتميل
و المحترمة بقت حاجة نادرة
وسط الجيش ده ما هياش قادرة
بعد ده كله تلوم يا معلم ؟؟
ظبطهم و تعالى اتكلم
ظبط أول حاجة الفعل
و هيتظبط رد الفعل