السلام وعليكم ورحمة الله وبركاتة
من وانا صغير وانا متعود على الحب
احب ربنا
احب الرسول
احب الصحابة
احب امى وابى
احب اخواتى
احب خلانى
احب صحابى فى المدرسة
احب صحابى فى الشارع
احب احب احب احب احب
لحد ما نسيت يعنى ايه كره
وبعد كدة كبرت وكبر معايا الحب دا
وكل م اكبر الحب يكبر معايا
لحد ما جه الوقت اللى مقدرش اعيش فيه من غير حب
وبدأت الطيبة تدخل فى الحب
وبدأ القلب الكبير يكبر بالحب
وأوقات السعادة تملئنى وتملئ حياتى
لعل هذا الموضوع يكون سبب فى ان اى حد بيفكر يحب يعيد تفكيرة الصحيح
وانا عارف ان انا حتهاجم هجوم عنيف ومستعد لآى هجوم
بس انا عامل الموضوع دا علشان محدش يحس باللى حسه اى حد انجرح قبله
بص
انا حقولك ان الحب جميل واجمل ما فى الحب عذابة
وعذاب الحب مش اى عذاب
بس قبل ما تحب
تعالى نحسبها صح
شوف انت حتحب ليه
سبب الحب دا ايه
هل يا ترى ان زى ما بيقولو الناس او السبب الشائع الان ان انا محتاج وحدة جنبى
انا معاك ان الاحساس دا بيراوض اى حد الان
فى غضون اللى بنسمعة وفى وقت الشاب بيبقى عندة 30 سنه ولسه متجوزش
ومن حيث بلدنا الوضع اللى فيها وممكن يكون عندك 40 سنه ولسه متجوزتش ومش عندك اساسا اى مؤهلات علشان تتجوز
لا فلوس ولا مشروع ولا ولا ولا
صح كدة
ماشى
حب يا عم بس قبل ما تحب نقى الانسانه
وقبل ما تعمل كدة
فهم نفسك انك حتخش من الباب
ايوة
انت حتخش من الباب
مش حتخش من الباب يبقى اطلع من الموضوع حالا
حتخش من الباب يبقى كدة اولا انت راجل (شوفت بقيت راجل لما فكرت مرة صح فكرت بس معملتش حاجة )
نيجى بقى للكلام الصح
الانسانه جت اهى
طيب تمام
نخش من انهو مدخل التقليدى ولا الحديث اللى انا مبحبهوش اساسا
لالالالالالالالالالالالالا
خلينا فى التقليدى
تروح لآى واحد صحبك يكون عارف الناس دى
او يكون على معرفة بيها
او لو زميلتك فى الكليه تروح لزميله ليها
وتحكيلها بس تكون واحدة انت واثق منها
وتقولها ان انا عايز اتقدم ليها
اه تتقدم مالك خفت ليه كدة
يا عم اسمع
اوعى تطلع وتقول الراجل دا بيقول كلام فاضى
والله العظيم هو دا عين العقل
يا عم افهم
فيها ايه لو خطبت وانت فى الكليه
يا ابنى اسمع
انت دلوقتى قدامك خطوتين علشان تدخل للبنت
او بمعنى اصح علشان تعرف البنت ان انت بتحبها
نعتبرها فى الكليه ماشى ولا مش ماشى
انت راجل مهذب فكرت صح وبقيت راجل قدام نفسك وقدام الجميع
نيجى بقى
للنقطة الاهم انت حتقولها ازاى
حتوصى واحدة صحبتك او زميلتك بلاش صحبتك دى علشان لفظ وحش
زميلتك تقولها على الموضوع وعلشان تبقى انت مطمن تكون واحدة زميله قريبة اوى ليها
علشان تبقى صحبتها وسرها معاها
هى بقى تقولها
ان انت عايز تكلمها فى موضوع
وتفهمها بردوا الموضوع علشان متبقاش هى مالهاش لازمة بس تقولها ان انت عايز تقولها حاجة مهمه
هى بقى حتقعد تفكر ايه الموضوع المهم
تعمل ايه انت بقى
تروح تغيبلك يومين بالظبط
وترجع
تقول لزميلتك اللى قولتلها دى انا عايز اكلمها النهاردة
فى اليومين دول
تكون رتبت افكارك
وعرفت وضعك ايه
وايه هى مميزاتك واية هى عيوبك
ولما يبتدى اللقاء
عايزك تقول كلمتين حلوين الاول فى حقها
بعد كدة
تقول عيوبك
ايوة عيوبك مالك كدة مزبهل
عيوبك الاول علشان تبقى صريح
وبعد كدة مميزاتك
وتقولها انا عايز ادخل البيت من بابه
دى اهم كلمه يا ابنى فى الموضوع
نفرض ان انت معكش مؤهلات او بمعنى اصح مفيش اساسا مادة علشان تعرف تتقدم
بص يا ابنى
انا قولت تقول عيوبك الاول
وبعد كدة مميزاتك
ومن ضمن المميزات
اهم حاجة تقولها
انا نفسى اكمل حياتى معاكى (شريكة حياتى )
كدة انت بقيت راجل فى نظرها
واى بنت فى المنتدى لو تقولك ان لو اى حد قلها الكلام دا فى نظرها بيبقى راجل
صح ولا لا ؟؟؟
نيجى بقى للبنت
البنت
حتكلم امها وتحاول البنت تفهم امها على وجودك فى حياتها
وانت بقى ممكن يا حلو تكلم امها
وتقولك انت معاك شقة معاك فلوس معاك وظيفة
طبعا كل دول معظم الشباب مش موجدين
تبدأ حضرتك
تقول الكلمتين دول
انا يمكن معييش فلوس
ومعيش شقة
ومعييش وظيفة
لكن انا عملت زى ما ربنا قال
ان انا دخلت البيت من بابة
يمكن مكونش مؤهل للراجل اللى يتجوز بنتك لكن محدش بيتولد كبير
وفعلا مين بيتولد كبير غير اللى ابوة كبير اساسا
انت يا باشا كلمت مامة البنت وطبعا قبل ما تقول اى حاجة لازم تناديها بماما
ماشى متنساش كلمه ماما دى
وحتقفل معاها السكة على ان انت قولت الكلمتين ان انت معكش كل حاجة بس معاك شبابك وان شاء الله حتكون حاجة وفى بشاير انك تكون كدة
تمام يا معلم
حتسيب الموضوع وتفكر فى دراستك وتحاول تكون قد المسئوليه اللى انت قولت عليها
حتقولى مسئوليه ايه
مسئوليه يا باشا و كبييييييييييييييرة كمان
صح ولا لا
اقولك ليه
علشان انت حتتحدى نفسك
بأن انت تكون احسن من الاول
علشان يقولو الراجل دا بجد صح وقد كلمته
وتحاول بقدر الامكان تكون قد الكلام اللى انت قولته
مش تكبر دماغك
بص يا باشا
انت تقدر دلوقتى تقول خلص الكلام كله
لا بس ليه فى جزء مهم جدا
الرد اللى مش حيجيلك بسرعة من شهر ل3 شهور تستنى الرد
وممكن يكون اقل من شهر لو البنت بقى بتحبك
بص يا ابنى الحب مش حرام بس اللى حرام الحب الحرام
ومش حقولك يعنى ايه الحب الحرام
علشان انت فاهمه
بس انا حقولك اتقى الله فيها
بلاش خروجات
كلامك معاها فى حدود ان انت زميل ليها اه مقرب ليها ومش زى اى واحد
بس علشان ربنا يباركلك
بلاش مسك الايد دا
وبلاش كلام الحب الملزق اللى بيتقال
يا ابنى عيد الحب دا خليه عيد جوازك
وفر كل الفلوس اللى انت حتصرفها فى الخروجات وادخل بيها جمعيه
بص يا ابنى انت لازم تكون راجل من الاول للأخر واتفق معاها على كدة
ان انت مش زى كل الناس
مش زى الناس اللى بتشوفهم هى
لا انت راجل مختلف عن كل الناس
وتعودها على كدة
اخى فى الله
اتقى الله علشان ربنا يباركلك
الحب جوا القلب مش فى اللسان ولا فى الايد ولا عمر الحب ما كان بمسك الايد
ولا كان بالكلام المعسول
الحب ان انت تحسسها بأن هى فى امان مع راجل
عارف يعنى ايه راجل
راجل زى ما فكرت صح فى الاول كدة
تبقى راجل طول عمرك
منقول