عملنا غلط......... ايه الصح

فى تصرفات غلط فى مجتمعنا




عشان كده هاقول الغلط واصلحه بسلوك متحضر ...



بسم الله نبدأ ..


خطأ :لما يخبط فيك واحد وانت ماشى.. و تقع كتبك على الأرض... وتاخدها وتمشى.. و تعتذروا لبعض...


الصحيح : تمسكه من قفاه... وتمسح بيه الحيطه.. و تضربه فى بطنه .. و ياريت بكوع ولا بركبه...



و تقوله .. مره تانيه تفتح عينك يا لوح ..



ــــــــــــــــــــــــــــــــــ


خطأ : تفتح الإشارة .. و يزمر لك واحد رخم وراك...و تطلع في المراية ... و تلقيه متعصب موت.. و تشاورله متاسفين


الصحيح : تنزل بمفتاح عجل.. او كوريك... و تروحله... وأول مايفتح الباب ... جرّه من شعره ... و اضربه لحد ما يبوس رجلك ...


و بعدين ..


تقوله مرة ثانية الاشاره خضره .. تبقى حمره.. تبقى زرقه... حط لسانك فى بقك و اخرس..
ـــــــــــــــــــــــــــــــــــــــ


خطأ : تدخل المحاضرة متأخر ... يقولك الدكتور اطلع برا يا فاشل .. ياللي فيك وفيك ... ويقفل الباب فى وشك .. و تخرج وانت متضايق ...


الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شويه وبعدين


تلفه وتلفه وتلفه و تعلقه من الكرافته فى البروجيكتور ..


و تقوله ..


هى مش جامعه ابوك عشان تطرد الطلبه ..


ــــــــــــــــــــــــــــــــــــــــــ


خطأ : تمشي بالشارع .... مثلا رايح للمسجد ... و بعدين يجى عيل... و يرميك بطوبه.. ثم تلعن الشيطان وتعوذ من إبليس ... وتكمل طريقك .. وتقول ربنا يسامحه...


الصحيح : تاخذ لك مطواه ... وتغزه بيها... و تضربه ...


وإن مضربتوش ... خذ عصايه .. وامسكه و كسر عضمه ...


إن صوت خير وبركه ...


بس لو ما صوتش.. سيبه ... و روح صلى و خلص مشاغلك... و ارجع مخصوص عشانه.. وتتفرّغ له ...


اكيد هيصوت قبل الصلاه اللى بعدها ... و ده على مسئوليتى...


ـــــــــــــــــــــــــــــــــــــــــــ


خطأ : راكب سيارتك مستعجل ... وكل اشارة توقف عندها ... حتى الاشارات اللي مافيهاش حد


الصحيح : حتى لو انت مش مستعجل ... اقطع الاشارة ... الاشارة حطوها للي ما بيعرفوش يسوقوا زى المطبات بردو...


ـــــــــــــــــــــــــــــــــــــــــــــ


خطأ: ساكن بالدور الأرضي ... وفوقك ساكن واحد ... وجت الساعه واحدة ... وأنت بتنام ... سمعت صوت وهيصه...


و مش عارف تنام ... و تروح لهم .. و تخبط عليهم... وتقول لهم .. حبكت الازعاج وانا بنام... و ترجع .. و تلاقيهم على نفس الحاله .. وتقول .. ربنا يخدهم مش عارف انام .. وتكمل للصبح .....


الصحيح : اول شي تروح تجيب حته حديده حلوه بالبيت وبعدين تروح وتطلعله ولا تخبط على الباب ولا الجرس اضرب الباب برجلك لحد ما يفتح و تضرب بالحديده فى راسه فى جنب واحد لحد ما راسه تتفتح فى ناحيه واحده...
ـــــــــــــــــــــــــــــــــــــــ



خطأ :متابع فيلم .. ومتحمس .. ثم يجي واحد من اخواتك ويغيّر القناة .. من غير ما يقولك... و تقوله ليه غيرت مش شايفنى بتفرج؟؟؟؟؟؟؟؟؟؟




الصحيح : بالصينيه اللى جنبك... و لو مفيش بالطفايه اللى جنبك و تديله فى خلقته ... و تاخد الريموت.. بدون ماتكلمه ... واتفرج على فيلمك ... وتابعه بصدر رحب ...



ــــــــــــــــــــــــــــــــــــــــــــ


خطأ:تكتب بعد نهاية اي موضوع تكتبه في الجـروب على النت: ان شاء الله ما كونش طولت عليكوا و تقعد تتاسف وكأنك عامل عمله



الصحيح :المفروض تكتب اقروا وانتوا ساكتين واذا طولت موضوعي فبمزاجى واللى مش عاجبوا ما يقراش
هههههههههههههههههه
يارب يعجبكم

لية يا ادمن بتعتذر انك رديت ما هو دة الصح اصلاااااااااااا، وانتى يا دودى عيزاكى تعيشى مع الغلط علطووول

يبقي انت ياادمن مش فهمت قصد الموضوع علشان كده قلت كده
انا قصدي انه ساعات علشان تقدر تعيش في المجتمع ده لازم تبقي وحش علشان الناس تعملك اعتبار لان الغلبان مظلوم عندنا

صح كده يادودي هي دي العفاريت ولا بلاش بس كان نفسي اعمل كده في دكتوره معينه وانتي عارفاها بس خلاص بس يادودي بجد ميه ميه ميه عايز اكتر يادودي

ايه رايك ياسمسمه خرجت الكيت اللي عندنا اهوفعلا بالكلام بس خرج