شباب الجيل الجديد

هو وهى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

لا لا لا لا لا لا لا لا لا لا لا حراااااااااااااااااااااااااااااااااااااااااااااااااااااااااااااااااااااااام بجد حرام

ههههههههههههههه الحرام ان هى مخطباله اصلا ، البخل دة حاجة بشعة والصفة الوحيدة اللى بتزيد مع كبر السن وعمرها ما بتتغير ، مرسى يا سمسمة لمرورك

اولا فينك يا عمر من زمان ، وشكرا على ردك للموضوع ، وبعدين لية بتقول مش مخطبيين ما هو فى ناس بخيلة وباردة كدة

خلاص يا عمر انا شايفة ان ادمن رايه جامد عشان اخر الشهر ممكن يقعدوا بقى هما الاتنين يشحتوا فى الشارع

يعني ياروفي هي المفروض تكون عامله حسابها يعني اخر الشهر واكيد عارفه الاخ علي ايه فبلاش تحرج نفسها لانه اصلا هو مش متخيل ان ده بخل وبعدين الراجل صرف علي واحده انبارح هي حكايه ولا ايه هيجيب منين

علي رايك يادودي يجيب منين طبعا فهماني الراجل برده معزور ههههههههههههههههههههه
الله يكون في عونه يارب ابعد عننا البخل والناس البخيله اكتر حاجه اكرها البخل

والله الرجاله غلابه هيجيبو منين ولايه ولا ايه يعني ياسمسمه انت عارفه الرجاله بجيب اخرها بسرعه سواء اول الشهر او في الاخر في كل حاجه والله االمعين يعين الستات عليهم

ههههههههههههه خلاص انتى هتشحتى عليهم ، والله دة انتى عسل

والله يادودي اجيب منين هههههههههههههههههههههههههههه علي راي الله يمسيها بالخير تجيب منين

والله ياروفي انت اللي عسل اصلالرجاله عايزه علي طول اللي يصقف ليهم

صح ياسمسمه اجيب منيييييييييييين